СЗО: Масовна вакцинација против КОВИД-19 не се очекува до средината на идната година

Ниту една од можните вакцини во напредните клинички испитувања досега не покажа “јасен сигнал“ на ефикасност од барем 50 проценти од барањата на СЗО, изјави портпаролот на СЗО, Маргарет Харис.

Светската здравствена организација не очекува масовна вакцинација против КОВИД-19 до средината на 2021., порача вчера портпаролот на СЗО, нагласувајќи ја важноста од ригорозни проверки за ефикасноста и безбедноста на вакцините.

Ниту една од можните вакцини во напредните клинички испитувања досега не покажа “јасен сигнал“ на ефикасност од барем 50 проценти од барањата на СЗО, изјави портпаролот на СЗО, Маргарет Харис.

Русија во август ја одобро вакцината против КОВИД-19, по помалку од два месеца тестирање на луѓе, поради што некои западни стручњаци ја ставија под знак прашалник безбедноста и ефикасноста на вакцината.

“Ние навистина не очекуваме масовна вакцинација пред средината на следната година“, потенцираше Харис за новинарите во Женева.

“Третата фаза мора да трае подолго, бидејќи мора да видиме каколку навистина вакцината штити и мора да видиме колку е таа безбедна по здравјето на луѓето“, додаде таа.

Во третата фаза се спроведуваат големи клинички испитувања и тестирања на луѓе. Фокусот на вакцинацијата е на високоризичните лица во сите земји, како здравствените работници.