Микропластиката откриена во водата за пиење во моменталната количина не претставува ризик за здравјето, соопшти Светската здравствена организација. Според СЗО, поголемите честички, како и повеќето помали, минуваат низ човечкото тело и притоа не се апсорбираат. Сепак, нагласено е дека заклучоците се базирани на ограничени информации и е побарано поопширно и подетално истражување на овој проблем.
За микропластика се сметаат малите делови од кој било вид пластичен отпад, а пронајдени се во реки, езера, вода за пиење и во флаширана вода. Во првиот извештај за овој проблем СЗО соопшти дека микропластиката не претставува опасност по човековото здравје во сегашните количини, но сепак се потребни дополнителни истражувања.
