СЗО ПРЕДУПРЕДУВА: Поради враќањето на коронавирусот, здравствениот систем во Македонија може да колабира – реагирајте на време!

Светската здравствена организација вчера вечер извести за значаен пораст на бројот на заразени од КОВИД-19 во дел од Европа, по попуштање на епидемиолошките мерки.

Во Македонија, како и во други 10 европски земји, забрзаната трансмисија на новиот коронавирус доведе до значаен пораст на бројот на заразени, изјави д-р Ханс Хенри Клуге, регионален директор на Светската здравствена организација.

Тој истакна дека неговите поредупредувања дека вирусот ќе се врати стана реалност. Ако не се реагира на време, предупреди тој, здравствените системи ќе бидат турнати до работ.

СЗО бележи над 2,6 милиони случаи на КОВИД-19 и 195.000 смртни слуачи во европската регија, која опфаќа 54 земји и седум територии низ Европа, Блискиот исток и средна Азија.

Дневно се бележат 20.000 нови слуачи на заразани и над 700 нови смртни случаи.

“Со недели предупредувам на ризик од враќање на вирусот додека земјите се прилагодуваат на новите, опуштени мерки“, изјави вчера вечер на виртуелната конференција, д-р Клуге.

“Во неколку земји во Европа, ризикот стана реалност, во 30 семји се бележи пораст на вкупниот број на заразени во последните две недели, а во 11 од овие 30 земји постои реална можност здравствените системи да бидат турнати преку работ“, додаде тој.

Освен нашата земја, на листата на овие 11 земји се наоѓаат и Ерменија, Шведска, Молдавија, Азербејџан, Казахстан, Албанија, Босна и Херцеговина, Украина, Косово и Киргистан.

Д-р Кулге вели дека Полска, Германија, Шпанија и Израел брзо одговориле на избивањето на нови жаришта и ја ставиле ситуацијата под контрола, со воведување на итни епидемиолошки мерки.

И покрај растоот на бројот на заразени, СЗО, според неговите зборови, верува дека ситуацијата ќе се смири во повеќето земји во текот на летото.