СЗО ПРЕДУПРЕДУВА: Трајниот пренос на мајмунските сипаници сега се заканува и на високоризичните групи

СЗО пред два дена соопшто дека ги истражува извештаите за заразени деца, вклучувајќи два случаи во Велика Британија, како и извештаи од Шпанија и Франција. Ниту еден од случаите кај деца не бил тежок.

Мајмунските сипаници се вирусна болест предизвикана од вирус кој е сличен на големите сипаници, но не се шири меѓу луѓето така ефикасно и помала е смртноста отколку кај големите сипаници.

Светската здравствена организација (СЗО) соопшти дека “трајниот пренос“ на вирусот на мајмунски сипаници ширум светот може да доведе до тоа да тој може да почне да преминува и на високоризичните групи како бремените жени, имунокомпромитираните лица и децата.

СЗО пред два дена соопшто дека ги истражува извештаите за заразени деца, вклучувајќи два случаи во Велика Британија, како и извештаи од Шпанија и Франција. Ниту еден од случаите кај деца не бил тежок.

Вирусот досега е идентификуван во повеќе од 50 нови земји надвор од Африка каде што е ендемичен. Бројот на случаи исто така расте во тие земји, соопшти СЗО, повикувајќи на повеќе тестирања.

“Загрижен сум поради континуираното пренесување бидејќи тоа сугерира дека вирусот се вкоренил и дека може да се прошири на групи со висок ризик, вклучително и деца, имунокомпромитирани и бремени жени“, рече шефот на СЗО, Тедрос Аданом Гебрејесус.

Болеста се манифестира со покачена телесна температура, главоболка, треска, исцрпеност, замор, болки во мускулите и грбот, отечени лимфни јазли и осип сличен на осип што се јавува кај сипаници.