Светската здравствена организација пред два дена објави дека следи неколку десетици случаи на две нови подваријанти на високо преносливиот сој на коронавирусот – омикрон, настојувајќи да процени дали се позаразни или поопасни од претходните.
Во соопштението стои дека СЗО ги ставил на листата за следење, сестринските варијанти на изворната варијанта на омикрон ВА.1 – ВА.4 и ВА.5. Веќе се следат ВА.1 и ВА.2 кои се моментално глобално доминантни, како и ВА.1.1 и ВА.3.
СЗО објави дека почнала да ги следи поради “новите мутации кои треба дополнително да се проучат за да се сфати нивното влијание на имунолошкиот потенцијал на избегнување“.
Познато е дека вирусите постојано мутираат, но само некои мутации влијаат на способноста на нивно ширење или избегнување на претходниот имунитет стекнат со вакцинација или природна инфекција, или на тежината на болеста што ја предизвикуваат.
На пример, ВА.2 во моментов чини речиси 94% од сите секвенционирани случаи и е попренослива од своите “браќа и сестри“, но досегашните докази упатуваат на тоа дека не постои поголема веројатност од развој на потешка форма на КОВИД-19.
Според податоците со кои располага СЗО, досега се пријавени само неколку десетици случаи на подваријантите ВА.4 и ВА.5 и тоа во Јужна Африка, Данска, Шкотска, Англија и Боцвана, во периодот од 10 јануари до 30 март.
Сите заболени имаат поблаги симптоми на КОВИД-19.
