Податоците кои неодамна во јавноста ги објави британската организација за сузбивање на рак на матката се прилично вознемирувачки. Дури една третина од жените одбива одење на гинеколог и правење ПАП тест, а причините се тешко разбирливи. Истражувањето опфатило нешто повеќе од 2000 Британки, а ова се одговорите:
- Tретина од жените одбиваат да појдат кај својот гинеколог ако не се депилирани „долу“;
- 35 % од младите жени се срамат од своето голо тело, па не сакаат да му го покажат ниту на гинекологот;
- 38 % од жените се срамат од изгледот на своите гениталии;
- 38 % од жените се срамат од својот вагинален мирис.
Сепак, најмногу вознемирува податокот дека ДУРИ две третини од жените не ни знаеле дека ПАП тестот може да им го спаси животот. Ако докторот навреме открие постоење на малигна болест, пациентката може правилно да се излекува. Како што истакнува американското здружение за сузбивање на рак на матката, жената кога ќе наполни 21 година би требало да почне со редовни тестови. И така се до својата 65 година од животот.
А сега мало предупредување за сите жени и девојки кои можат да се препознаат во овие описи и кои имаат страв од одење на гинеколог: На твојот гинеколог му е апсолутно сеедно дали си депилирана или не, но му е и тоа како важно ако почувствуваш необични мириси во интимниот дел. Затоа што ако си загрижена заради мирисот, и твојот лекар би можел да биде. А тој ќе ти даде најдобар совет и ќе знае да ги открие сите „необични“ работи кои се случуваат „таму долу“.
