ТЕЛОТО СЕКОГАШ ПРЕДУПРЕДУВА ДЕКА НЕШТО НЕ Е ВО РЕД: Како да знаете дека некои симптоми значат болест

Честопати, многумина од нас, забележуваат некакви промени во организмот, па дури и да се работи за нагласена потреба за одредена храна или напивка, но не придаваат големо значење. Лекарите сепак советуваат внимателно да се слушаат сите вакви сигнали, бидејќи во даден момент може да значат некакво заболување или здравствен проблем. 

Како да знаете дека интуицијата не ве лаже? Дали некогаш сте помислиле дека вкочанетиот врат може да биде начин телото да сигнализира дека некоја болест ви “седи на вратот“? Постојат специјалисти кои се занимаваат со интуитивна медицина. Тие велат дека телото секогаш ни зборува ако нешто не е во ред, само треба да научиме да го слушаме.

Почитувајте ги здравствените потреби

Можеби чувствувате потреба за сок од морков, потреба да носите шапка во текот на денот или високите потпетици одеднаш не ви се удобни. Тоа можеби е начин на кој телото ви зборува да обрнете внимание. Слушајте ги суптилните сигнали и почитувајте ги се додека ви одговараат. Тоа е како потрага по богатство, една трага води кон следна.

Запрашајте се што му на треба на телото со оглед на симптомот

Ако на пример, имате силна главоболка, ненадеен напад на замор или некој кожен исип, повлечете се на мирно место и запрашајте се што би можело да му биде потребно на вашето тело. Одговорот може да ве изненади. Обрнете внимание на правата идеја што ќе ви дојде.

Слушајте ги знаците на предупредување

Телото е создадено така да не предупредува на опасност. Го слушате ли? Ако избегнувате некои движења или активности, спортови или хоби со кои претходно сте се занимавале, можеби постои некоја здравствена причина за тоа.

Погледнете го своето тело

Направете понекога сами систематски преглед на своето тело. Побарајте необични промени на кожата. Почнете од прстите на нозете, зглобовите, колената… Ако постојат било какви промени, обрнете внимание на нив.