Клетките на ракот произведуваат протеини антигени кои го поттикнуваат организмот да произведува антитела против самиот себе – автоантитела. Истражувачите од Универзитетот Нотингем велат дека развиваат тест кој идентификува имун одговор на организмот на антигените поврзани со ракот.
Научниците во рамки на пилот-студијата зеле крв од 90 пациенти заболени од карцином на дојката во моментот кога болеста им била дијагностицирана. Примероците ги споредиле со наодите на 90 личности кои немаат карцином.
„Бевме во состојба да детектираме рак со значителна точност идентификувајќи ги овие автоантитела во крвта“, рекол Денија Алафатани кој бил дел од истражувањето. Тој додал и дека тестот мора да се доразвие и дополнитлно да се потврди.
Меѓутоа резултатите засега се охрабрувачки и покажуваат дека ракот на дојка може да се открие и пред да се појават првите симптоми. Истражувачите сега тестираат примероци земени од 800 пациенти и проценуваат дека тестот би можел да се најде во клиничка употреба за пет години.
