Тест од една минута: Дали сте под стрес?

Решете го следниов тест, а потоа „решете“ се од стресот од себе

Го опишуваат како епидемија на 21-от век, а што точно го поттикнува и како делува на нас е индивидуална работа. Но, решенијата, велат експертите, се универзални. Решете го следниов тест, а потоа „решете“ се од стресот од себе.

Одговорете на следниве прашања и дознајте дали е време за промени:

  • Ги распоредувате ли должностите на работа и дома?
  • Ги поставувате ли работите според приоритетот?
  • Си земате ли доволно време за да јадете полека и правилно да џвакате?
  • Дали сте добро организирани?
  • Дали во некои стресни ситуации ја гледате и нивната смешна страна?
  • Дали вежбате редовно?
  • Ги споделувате ли вашите грижи со блиските?
  • Барате ли излез во алкохолот, дрогата, кафето и масната храна?
  • Им завидувате ли на пријателите на нивните куќи, стил на живот и успех?

Ако на поголемиот дел на од првите седум прашања одговоривте со „не“, а на последните две со „да“ – време е да ја вратите рамнотежата во вашиот живот.

Одберете физичка активност во која ќе уживате и нема да имате дополнителни стресови

Вежбањето му помага на телото и мозокот подобро да се справат со стресот, ја намалува анксиозноста и депресијата. Без оглед на тоа каков тип на вежба ќе изберете, имајте го на ум следново:

ОДБЕРЕТЕ НЕШТО ВО КОЕ УЖИВАТЕ…

Затоа што учеството во активност поради која незадоволно ќе издишувате само ќе го зголеми нивото на стрес. Ако сте натпреварувачки расположени, најдете вежба во која тоа не е изразено. Затоа што ако губите во слободните активности, тоа уште повеќе ќе ве оптовари.

Комбинирајте анаеробни и аеробни активности.

Вежбите на отпор, на пример, ќе ви дадат сила и доверба, додека долгата прошетка ќе ве смири.

Концентрирајте се!

Ако мислите ви лутаат на час по јога или додека медитирате, размислете за пилатес затоа што мора да се фокусирате.