Луѓето со атопичен дерматит познат и како егзема се изложени на поголемен ризик од срцев удар, мозочен удар и срцеви аритмии, покажала новата британска студија, во која учествувале повеќе од 385 000 возрасни лица на просечна возраст од 43 години. Иако дополнителниот ризик е мал, важен е бидејќи околу 10 проценти од возрасните имаат атопичен дерматит.
Тешките и претежно активни егземи се поврзани со зголемен ризик од кардиоваскуларни компликации
Истражувањето покажало дека луѓето со тешка егзема имаат 20 отсто поголем ризик од мозочен удар и 40-50 отсто поголем ризик од нестабилна ангина пекторис, срцев удар, атријална фибрилација и смрт поради срцеви заболувања. Ризикот од затајување на срцето кај нив бил поголем за 70 отсто.
Според мислењето на експертите, бидејќи тешките и претежно активни егземи се поврзани со зголемен ризик од кардиоваскуларни компликации, треба да се разгледаат целни стратегии за спречување на кардиоваскуларните болести, пишува „BMJ“.
