Топлата бања е многу повеќе од начин на опуштање, покажало најновото истражување спроведено на бритаскиот Универзитет Loughborough.
Научниците докажале дека топлата бања му помага на телото да се избори со воспаленија, го јакне васкуларниот систем, го подигнува квалитетот на сонот и помага во регулирањето на нивото на шеќер во крвта. Помага и при топењето на калориите и го забрзува метаболизмот.
До сега докторите секогаш препорачуале вежбање како превенција од метаболички пореметувања, но поради здравствената состојба не се сите луѓе во можност да бидат физички активни, па затоа требало да се побара алтернативно решение. Откриле дека топлата бања има сличен ефект врз организмот како и телесните вежби.
До ова сознание дошле така што спровеле експеримент во кој на секој испитаник му овозможиле бања загреана на 39 степени. На испитаниците им е земена крв пред бањата, веднаш откако излегле од бањата и два часа подоцна. Во када морале да поминат еден час. За две недели испитаниците користеле топла бања 10 пати.
