Во неделата на сестринската професија, која претходи на Меѓународниот ден на медицинските сестри 12 мај, беа одржани бројни хуманитарни активности, но и свечена академија во организација на Унијата на здруженија предводена од Здружението на медицински сестри, техничари, акушерки и стоматолошки сестри „ЗА НАС“.
На овој традиционален настан беа доделени признанија за најхумани медицински сестри-техничари избрани од институциите во кои работат.
Од клиниката „Жан Митрев“ ова признание му припадна на Андреја Србиновски, дипломиран медицински техничар и одговорен на Одделот за полуинтензивна нега и амбулантни возила.
На доделувањето присуствуваа голем број припадници на оваа професија како и претставници од Министерството за здравство и за култура, но и бројни гости од немедицинската фела. Честитки за Андреја!
