На сите веќе ни се познати трите најважни мерки за одбрана од новиот коронавирус – маска за лице, физичко растојание и миење раце, но со доаѓањето на студеното време и почестиот престој во затворен простор треба да додаде и четврта – свеж воздух.
Слабо проветрените простории ја зголемуваат можноста за пренесување на вирусот преку аеросоли, честички кои лебдат во воздухот, објаснува директорот на одделот за инфективни болести на Медицинскиот факултет во Росток, д-р Емил Рејсингер.
“Покрај ширењето по капков пат, многу помалите аеросоли се сметаат за главен пат на трансмисија на коронавирусот, иако во помала мера“, вели д-р Рејсингер.
И додека капките релативно брзо паѓаат на под, полесните аеросоли можат да лебдат подолго и така да се шират во затворени простории. За спречување на ова, најлесно е повремено да се отвораат прозорците во просториите.
Стравот дека при тоа ќе настинете немаат основа, тврдат медицинските професионалци.
“Проветрувањето на просториите на неколку минути едвај и ќе ја промени температурата во просторијата. Предметите во просторот и ѕидовите задржуваат температура и ќе ја ослободат задржаната топлина“, напоменува д-р Рејсингер.
Германските стручњаци препорачуваат канцелариските простории да се проветруваат секој час по 20 минути. Ако во просторијата седат помалку луѓе, доволни се и 10 минути.
