Трнењето на левата рака, многу често се толкува како еден од главните симптоми на срцевиот удар. Тоа е точно, но мора да се знае дека трнењето не секогаш задолжително значи срцев удар. Така, оваа појава може да ни укаже дека имаме некоја здравствена тегоба, но може да е и некоја состојба која поминува без лекарска помош.
Трнењето во раката многу често е последица на притисокот врз крвните садови и врз нервите, заради што крвта не може слободно да циркулира кон ткивата. Резултатот е намалување на нивото на кислород во мускулите, што предизвикува трнење на рацете. Понекогаш тоа се случува заради лоша позиција на телото, особено додека спиеме.
Сепак, и во овој случај може да се работи за некои болести или состојби, кај кои последица е притисокот врз крвните садови или нервите.
- Најчесто причина за тоа може да биде:
- Оштетување на нервите
- Мозочен или срцев удар
- Синдром на карпален тунел
- Компресија или притисок на нервот
- Недостаток на некои минерали или витамини
- Токсини или лекови
Притисокот на улнарниот нерв е еден од главните причини за трнење на рацете. Улнарниот нерв се протега од малиот прст, преку дланката и лактот со горниот дел од раката. Особено е осетлив на превојот на лактот, заради тоа што лесно може да се вклешти при незгодни позиции на седење или лежење или да се удри. На трнењето во рацете влијае и недостатокот на витамин Б 12 и магнезиум. Ова е особено случај кај луѓето кои почесто пијат алкохол.
