За време на бременоста не треба да се експериментира со нови козметички препарати затоа што заради хормонските и васкуларните промени кожата станува почувствителна, а освен тоа расте и ризикот од несакани дејства.
Новите препарати треба да се воведуваат само ако постои силна причина – појава на акни, реакција на производ кој дотогаш нормално се употребувал, пречувствителност на мириси…
За време на бременоста жената треба да посвети посебно внимание на чистење и негата на кожата на лицето!
Што се однесува до антиејџинг производите стручњаците се согласни дека во бременоста и за време на доењето треба да се одбегнуваат препарати со витамин А и деривати на овој витамин (Retinol, Retinyl linoleate, Retinyl palmitate). Производите со хијалуронска киселина, овошни киселини и салицилна киселина во концентрација до 2 отсто, колку што содржат одделни производи наменети за масна и нечиста кожа, може да се користат, но со големо внимание.
