Поради различната брза и нездрава храна, се повеќе луѓе се одлучуваат еднаш месечно или еднаш на неколку месеци да ги исчистат токсините кои им се насобрале во телото, а најголемата предност на детоксикацијата е тоа дека е брза и едноставна и можете сами да ја спроведете.
Детоксикацијата му помага на целиот организам, а посебно на дигестивниот систем, во отстранувањето на стресот и на слабеењето. Затоа нутриционистите ја препорачуваат на сите, особено на оние кои имаат проблеми со цревата, како и на оние кои водат исклучително стресен живот полн со оптоварувања и нездрави навики.
Овој рецепт за црна лимонада на прагот на есента ќе ви помогне да го исчистите телото од сите отрови, што преку летото се складирале во организмот.
Рецептот е едноставен и содржи само четири состојки, а тоа се лимон, активен јаглен, јаворов сируп и сол. Состојките се внимателно избрани и заедно чинат здрав и вкусен напиток. Посебноста на оваа лимонада е активниот јаглен кој пружа здравствени предности и го чини овој напиток едноставно и ефикасно средство за чистење, односно за детоксикација.
Со лесно движење притиснете го лимонот на тврда површина за да добиете повеќе сок, потоа исцедете еден лимон. Активниот јаглен ако е во таблети иситнете ги, ако е во капсули истресете ја полека содржината. Доволни се три капсули/таблети. Во поголема чаша прво ставете го лимоновиот сок, па активниот јаглен, додадете една лажица јаворов сируп и прстофат хималајска сол. Додадете околу 250 мл вода. Добро измешајте додека сите состојки не се соединат и оставете да се олади во фрижидер. Оладената лимонада пијте ја неколку дена на празен желудник еден час пред оброк или пред спиење. Пред секое консумирање повторно промешајте го напитокот, бидејќи јагленот може да се спушти на дното.
