ЦРВЕНИЛО ПОД ПАЗУВИТЕ: Причина, симптоми и заради кој проблем морате на лекар?

Црвенилото под пазувите може да се појави како реакција на одредени производи или храна, но може да биде и знак за болест или состојба на кожата. Во повеќето случаи, симптомите ќе поминат сами од себе, додека кога нема да исчезнат или да се влошат, треба да посетите лекар.

Црвенилото под пазуви може да се појави од повеќе причини и може да трае од неколку часа до неколку месеци. За да се третира потребно е да се открие што точно го предизвикува.

Во некои случаи за лекување ќе биде потребно само да се променат некои навики, додека некогаш ќе биде потребно и лекарски преглед.

Што предизвикува црвенило под пазувите?

Црвенилото на овој дел од телото може да биде последица на алергиска реакција на дезодоранс или гел за туширање, а може да се работи за дерматитис или за некој вид на инфекција.

  • Жештина

Туширањето со премногу топла вода не е добро за телото, но и за кожата бидејќи предизвикува црвенило по телото, а со тоа и под пазувите. Покрај жешката вода, на појавата на црвенило може да влијае и високата температура на воздухот измешана со потењето под пазувите. Може да се појават мали испакнати црвени јазолчиња или пак осип.

  • Дерматитиси

Постојат неколку видови на дерматитис, односно воспаленија на кожата, кои доведуваат до црвенило под пазувите.

До дерматитис, поточно до контактен дерматитис доаѓа поради контакт на кожата и организми од одредени средства или алергени како што се храна или лекови, како и убоди од инсекти. Алергиската реакција најчесто се јавува по само неколку часа. Себороичниот дерматитис од друга страна пак е хронично воспаление на кожата на кое влијаат гените, но и хормоните кои предизвикуваат интензивно излачување на лој, а како последица се јавуваат црвенило, отекување, чешање и лупење на кожата. Може да се појави на различни делови на телото, меѓу кои се и пазувите.

Атопискиот дерматитис е уште еден вид на воспаление на кожата што предизвикува црвенило под пазувите. Друго име за оваа состојба е егзема, а може да се препознае по чешање, сува кожа, перутање и црвенило.

  • Кандидијаза

Габична инфекција може да се појави на влажни делови од телото, како што се грлото, вагината, но и под пазувите. Се појавува чешање, осип, лупење на кожата и оток. Оваа инфекција ја предизвикува габата Кандида, а симптомите се влошуваат во летните месеци, при носење тесна облека или лоша хигиена.

  • Фоликулитис

Фоликулитисот е бактериска инфекција на фоликулите на влакната, а може да создаде непријатност, болка, но и црвенило. Се јавува како резултат на бричење. Во повеќето случаи, овој проблем сам ќе се реши со текот на времето, додека некогаш потребен е лекарски преглед и земање антибиотици.

КАКО СЕ ТРЕТИРА ЦРВЕНИЛОТО ПОД ПАЗУВИ ДОМА?

Црвенилото под пазувите во повеќето случаи се повлекува само од себе по неколку дена. Сепак, важно е да обрнете внимание на неколку работи:

  1. Одржување на кожата под пазувите сува
  2. Носење облека што “диши“
  3. Спроведување правилна хигиена
  4. Избегнување на гелови за туширање што можеби довеле до црвенило
  5. Избегнување на сонце
  6. Избегнување на многу долго капење или туширање
  7. Да не се допира зафатеното подрачје со црвенило

КОГА Е ПОТРЕБНО ДА СЕ ПОСЕТИ ЛЕКАР?

Кога црвенилото не се повлекува и по неколку дена и горенаведените дејства или кога дополнително ќе се влоши, неопходно е да се посети лекар. Исто така, ако црвенилото се шири низ телото, проследено е со висока температура и повраќање, има крварење од областа зафатена со црвенилото кое е болно на допир, треба што поскоро да побарате лекарска помош. Уште една причина за посета на лекар е појавата на пукнатини на кожата или откривање на јазол под пазувите.