Црвен ветар или еризипел е болест која пред 10. години била многу честа во болниците. Со подобрување на хигиенските услови, болеста е речиси заборавена, но и натаму се јавува.
Поради модерниот начин на живот оваа болест повторно е се поприсутна.
Тоа е бактериска инфекција на кожата кога го зафаќа горниот дермис и соодветниот лимфен систем. Најчесто се јавува на потколениците кај лица со улкус (чир) на потколеницата, лимфатична опструкција и едем, кај имункомпромитирани лица (алкохолизам, дијабетес, ХИВ, лоша исхрана).
Се смета дека денес околу 80-95% од случаите на еризипел се локализирани на потколеницата и дека болеста е најчеста кај возрасната група од 60 до 80 години со наведените фактори на ризик“, објаснуваат дерматовенеролозите.
Може да се јави и на било кое друго место на кожата која е повредена (на место од убод од инсект, изгореници, хируршки рани, кај воспалителни болести на кожата) со последичен влез на бактерија во кожата (најчесто стрептокока). Се пренесува и со контакт со заразено лице.
