Туширање веднаш по вежбање, да или не?

Сите го сакаме чувството на свежина и чистота што ни го нуди туширањето после напорниот тренинг. Но што ако таа навика го загрозува здравјето? Дали е препорачливо да се истушираме веднаш после вежбањето или да почекаме да се нормализира температурата на телото? Прашањето не е ниту малку наивно и предизвикува бројни полемики меѓу експертите

Аргументи ЗА туширање

Ги релаксира напнатите мускули. Особено се препорачува студен туш за намалување на напнатоста на мускулите кои биле подложени на најголем напор на тренингот.

Туширањето дава чувство на свежина и чистота. За мирисот после вежбањето не е одговорна потта, туку бактериите кои се размножуваат во топла и влажна средина. Затоа туширањето после тренинг, помага да останете чисти и да се ослободите од непријатните мириси.

  • Го освежува умот. Ако практикувате утринско вежбање, студениот туш пред работа ќе ви помогне лесно се справите со одговорностите во текот на денот.
  • Помага при горење калории. Некои експерти веруваат дека за време на туширање со ладна вода телото во обид да ја зачува нормалната температура дополнително согорува калории.
  • Студениот туш го подобрува имунитетот. Ова се должи на фактот дека ладната вода го поттикнува телото да произведува глутатион, антиоксиданс кој го зајакнува имунолошкиот систем.

Аргументи ПРОТИВ туширање

Предизвикува грчеви во мускулите. По вежбањето, мускули се уморни и топли. Прекумерното изложување на студена вода предизвикува нагла промена на телесната температура, што може да резултира со болни спазми.

Студениот туш е стрес за телото. Напорното вежбање е стрес самото по себе, а туширањето веднаш потоа може да значи дополнително зголемување на стресот. Добрата вест е дека во тој случај телото, за да се заштити од стресот и да го зајакне имунитетот, ги опушта уморните и стегнати мускули.

Каков заклучок ќе извлечме?

Дали треба да се тушираме по тренингот или не? Одговорот е: ДА, но не трчајте веднаш под студена вода. Почекајте телото да се стабилизира, а по можност и последните десетина минути од тренингот да бидат лесни вежби. Со нормализирање на срцевиот ритам, дишењето, телото постепено ќе се олади, а мускулите ќе се релаксираат.