Неодамнешната студија на група француски научници покажала дека мозокот може да памети нови информации во текот на одделни фази од сонот. За да ја испитаат мозочната активност за време на спиењето, научниците собрале 20 испитаници на возраст од 18 до 35 години. Во текот на неколку ноќи на учесниците во истражувањето додека спиеле им бил пуштан непознат звук. Подоцна се покажало дека тој ист звук го препознавале и кога биле будни.
Меѓутоа луѓето не можат да учат во текот на сите фази од сонот. Според авторите на студијата, мозокот најдобро памети и ги консолидира сеќавањата за време на лесниот сон и РЕМ фазата.
