Дали некогаш сте имале здравствен проблем за кој не сте сакале да разговарате дури ни со доктор? Или после панично „гуглање“ сте ја бришеле историјата на пребарување за никој да не може да го открие вашиот непријатен здравствен проблем?
Да, во право сте. И на мажите и на жените понекогаш им е тешко да признаат дека имаат здравствен проблем.
Ова се најнепријатните теми за кои често размислуваме, но не се осмелуваме да зборуваме:
ЖЕНИ
Кога станува збор за непријатност, жените најмногу се срамат да разговараат за секс.
Истражувањата покажуваат дека на жените им е најтешко да зборуваат за ниско либидо или намалена сексуална желба. Докторите напоменуваат дека ова е чест проблем, кој лесно може да се реши со стабилизирање на хормоните или со консултација со стручно лице.
Жените потешко се одлучуваат за тестирање на сексуално преносливи болести.
На жените им е прилично непријатно да бараат одговори на прашања во врска со плодноста, позите во сексот и оргазмот.
На жените им е непријатно да разговараат за телесни мириси, без разлика дали се работи за гениталиите, нозете, здивот или гасовите.
МАЖИ
Мажите значително поретко го посетуваат докторот отколку жените.
Ако одлучат да го посетат, често се однесуваат како да е се во ред. Поставувањето прашања, особено оние најнепријатните, е многу ретко.
Како и на жените, и на мажите им е непријатно да зборуваат за секс.
Предвремена ејакулација е тема за која најмалку сакаат да зборуваат и ја гледаат како закана за нивната машкост.
Мажите, исто така, не сакаат да зборуваат за еректилна дисфункција. Сепак, еректилната дисфункција може да биде знак за сериозни здравствени проблеми кои треба да се сфатат сериозно и да почнат да се лекуваат. Еректилната дисфункција може да се лекува со лекови или со едноставни медицински совети.
Мажите, исто така, избегнуваат да зборуваат за траги од крв во урината и спермата.
Останатите теми кои мажите ги одбегнуваат се претерано потење, запек, ќелавост и телесна тежина.
