Уринарна ретенеција – кога мочниот меур не се празни

Постојат разни причини за задржувањето на урина во меурот, но вообичаени се проблеми со мускулите на мочниот меур, бенигно проширување на простата, стеснување на уринарните цевки заради инфекција или после операција, како и блокада на уринарниот систем поради камења.

Уринарна ретенција е задржување на урината, односно неможност мочниот меур во потполност да се испразни.Заостанувањето на урината, најчесто се случува по мокрењето, но постои можност на акутна ретенција кога мокрењето целосно е оневозможено.

Причини

Постојат разни причини за задржувањето на урина во меурот, но вообичаени се проблеми со мускулите на мочниот меур, бенигно проширување на простата, стеснување на уринарните цевки заради инфекција или после операција, како и блокада на уринарниот систем поради камења. Причини за ретенција се опструкција на вратот или под вратот на меурот или во уринарните цевки, или на нејзиниот излез. Друга причина е неспособност на мускулот на меурот, објаснуваат уролозите.

Видови на ретенција

Уринарната ретенција може да биде акутна и хронична.

Акутна е онаа која се случува одеднаш и во потполност го оневозможуа мокрењето. Во таквиот меур може да има и по 1000 до 2000мл урина.

Хронична е секое заостанување на урина по мокрење, кое се појавува подолг временски период. Пред се, се мисли на останата урина повеќе од 200мл, објаснуваат уролозите.

Кај акутните задржувања на урина доаѓа до изненадна силна болка во меурот, која се зголемува до целосно блокирање на мокрењето. Симптомите за хроничната ретенција се поврзни со симптомите на долните уринарни патишта, во смисла на отежнато или зачестено мокрење, како и зачестени воспаленија. Хроничната ретенција заболените не ја чувствуваат се додека не се развие инфекција на уринарните патишта или уринарната инконтиненција.

Постарите мажи со зголемена простата се најзагрозена група, но лекарите истакнуваат дека невролошките фактори се честа причина за ретенција и кај мажите и кај жените.