Устата ви е постојано сува? Тоа може да биде знак и за сериозни болести

Сувоста на усната шуплина е честа појава и може да биде потполно незагрижувачка, но може да биде и еден од симптомите на дијабетес или проблеми со зглобовите.

Ако сте дехидрирани или нервозни, сувоста на усната шуплина е нормална појава. Но, трајната сувост во устата, или медицински кажано ксеростомијата, може да укажува на некој здравствен проблем, а ја погодува секоја петта личност.

Еве некои од најчестите причини зошто ви е сува устата:

  • Поради хормони

Еден од честите тригери е менопаузата, оти хормоналниот дисбаланс предизвикува сушење на слузницата во телото.

  • Кога проблемот е во носот

Постојаното дишење на уста може да биде последица на затнат нос по настинка и алергија на полен. Но, причина може да бидат и стеснати и блокирани носни патишта, неправилен загриз (поради што усните навечер не се затворени и доаѓа до дишење на уста) или абнормално големи крајници

  • Жиговина

Сувоста на усната шуплина е една од вообичаените нуспојави од гастроезофагеалниот рефлукс или жиговина. Кога желудочната киселина патува од хранопроводот во грлото, тоа може да предизвика надразнетост и воспалние кое ќе го исуши грлото и устата.

  • Дијабетес

Трајно зголеменото ниво на шеќер во крвта, по нелекуван дијабетес може да предизвика на сувост на усната шуплина. Кога во крвта е зголемена концентрацијата на глукоза, бубрезите губат способност да ја реапсорбираат течноста, и ја излачуваат во форма на урина и така предизвикуваат дехидрација на телото. Но, сувост може да предизвикаат и лековите за дијабетес.

  • Проблеми со зглобовите

Болеста како ревматоиден артритис, лупус или васкулатис може да предизвикаат секундарен Сјогренов синдром – болест при која имуниот систем ги напаѓа солзните и плинковните жлезди, и на тој начин предизвикува сувост на очите и на устата.