Вагиналниот исцедок е честа тегоба кај жените. Слузта која истекува од вагината може да е сосема неопасна појава, но доколку е пропратена со свраб, печење или други симптоми може да биде знак за некоја болест, најчесто вагинитис.
Вагиналниот исцедок го создаваат клетките на вагината и на цервиксот под влијание на естрогенот, женскиот полов хормон. Жените во постменопаузата заради ниските нивоа на естроген, имаат сиромашен исцедок.
Во периодот пред менопаузата нормално е секојдневно жените да имаат бел или проѕирен исцедок, во количина на едно мало чајно лажиче, најчесто без мирис, иако благиот мирис може да биде присутен. Количината и карактеристиките варираат од жена до жена, а може да се менуваат во зависност од периодите во кои расте и нивото на естрогенот.
Во кои случаи може да дојде до вагинитис
- Доколку сте на антибиотска терапија
- Се намали киселоста на вагиналната слузница, заради менструално крварење, семенска течност или намалување на лактобацилите
- Лоша хигиена
- Често миење на вагината
- Бременост
- Дијабетес
Доколку исцедокот е попратен со некој од овие симптоми, тога е време да се посети матичниот доктор или гинеколог
- Свраб
- Црвенило, печење, оток
- Пенлив или жолто-зелен исцедок
- Лош мирис
- Присуство на крв во исцедокот
- Болка при сексуален однос или мокрење
- Болка во карлицата или абдоменот
