Процесите на регенерација на ткивата се стимулираат со едноставна, брза, безбедна и безболна процедура, со што ласерскиот метод претставува нов начин на лекување на вагинална атрофија и уринарна инконтиненција, како и за обнова и за освежување на сексуалната функција кај жените.
Најчести причини поради кои жените одлучуваат да направат вагинално подмладување
Штом се решаваат за ваков зафат, значи дека луѓето кои доаѓаат имаат објективен проблем. А и ефектите се добри. Денес со зголемување на животниот век и со практично функционирање во полн капациет и каде голем дел од границите на староста се поместуваат и се бришат, се поместуваат и границите на физиолошките потреби. Сосема логично и очекувано е жените да посакаат да функционираат нормално. Тоа значи да некои работи кои за нив биле вообичаени во текот на животот во помладите години да можат да ги практикуваат и во повозрасните. Тоа е нешто што за една здрава комплетна личност е сосема нормално.
Што всушност претставува овој метод и како се прави
Се работи за процес во кој се стимулира создавање на нов колаген, се оптегнува слузницата и на тој начин се подмладува. Покрај постоечкиот ефект на затегнување има и површни ефекти како измазнување на површината и отстранување на површните нерегуларности кои со текот на времето се создаваат: набори, депигментации, млитавост. Сето тоа со овој метод може да се среди. Станува всушност збор за минимално инвазивен метод без хируршки пластики или лифтинзи со кој се може да се дотера и да се доведе до еден задоволителен ефект, каде што пациентката си доаѓа и потоа веднаш си продолжува нормално да си функционира. Се јавува само лесна иритација од ласерот и трае некои пет-шест дена, но тоа е незначително во споредба со ефектите што ги дава. Предноста на овој метод е што може да се повторува, за разлика од хируршките интервенции кај кои дискомфорот е многу поголем, времето на опоравување е многу поголемо и воздржувањето од нормалниот живот е многу поголемо. При овој метод со минимален дискомфорт и со минимално нарушување на секојдневниот живот се постигнува добар ефект. Вообичаено постапката се повторува неколку пати, во зависност од самиот пациент. Три-четири пати. Не се прави ден за ден, мора да постои период за опоравување на слузницата. Минимално периодот на повторување е на две недели, може да се направи на четири или на шест недели. Има различни варијатни и модели како тоа може да се направи. Целосно, комплетно процедурата се завршува за еден час, заедно со подготовката, со ставањето анестетик, со ласерскиот третман. За разлика од третманите кои ги правиме на фотоекспонираните делови како лицето, ова може да се прави и во летниот период. Тоа е предност, бидејќи се работи за покриен дел од телото, кој не се изложува на сонце.
Колку трае ефектот од подмладувањето?
Во суштина ефектот од ласерското подмладување трае и по неколку години. По две до три години може да се повтори целата процедура. Максималниот ефект се постигнува на некои шест месеци од интервенцијата, бидејќи тоа е време потребно да се создаде новиот колаген и да се оптегне слузницата. Слузницата е многу поедноставна за третман од кожата, бидејќи брзо се опоравува. На кожата и треба време за опоравување, додека кај слузницата тоа се случува многу брзо. Тоа е предност. Овој метод се користи и за подмладување на кожа, односно за лице, врат, раце. Само параметрите за правење се различни.
Кој е идеален кандидат за ласерско подмладување и дали има ограничувања
Ограничувања нема. Може да се направи и порано, во помладите години од животот, тоа е се релативно и индивидуално. Во суштина во момент кога почнуваат естрогените хормони да слабеат и функциите кои тој хормон ги има врз слузницата да слабеат, во моменти кога почнува да се чувствува сувост, дискомфорт при сексуален однос, болка. Тоа се моменти кога најчесто се носи одлука пациентката да се подложи на овој метод. Целата интервенција е релативно безболна и поднослива бидејќи се прави со аплициран локален анестетик во форма на крем. Се јавува едно минимално печење, но во суштина медиумот за апсорпција кој го имаат ласерските зраци за работа е водата, така што тоа ткиво е многу благодарно за работа и за третман. Поради тоа длабочината на пенетрација е поголема на ласерот и тој ласерски столб пробива низ сите ткива, за разлика од некои други ласери.
Овој метод се уште не е толку чест како што е случај со другите интервенции кои се прават кај нас. Со ласерот дневно имаме и над 10 пациенти, но ако компаративно споредиме, почести се оние пациенти кои доаѓаат за подмладување на лице. Но повремено има и пациенти кои се заинтересирани и го прават овој метод. Но мислам дека овој метод се почесто и почесто ќе се прави.
Овој метод е еден вид на табу или незнаење?!
Малку е незнаење, малку е срам. Поради тоа што ние сме една помала земја, не сме Турција. Ова го велам бидејќи колегите наши оттаму велат дека тоа кај нив е најнормална работа. Но, сепак Истанбул е 20-милионски град и таму никој со никој не се знае и е едноставно. Тука секој со секого се знаеме и тоа е малку иритирачки фактор. Кај нас овој метод се прави на најпрофесионален начин и етички се завршува. Во однос на фреквенцијата мислам дека ако сега се вратам наназад, не е поретко отколку што беше да речеме боцкањето со ботокс и филери пред шест-седум години. Сега боцкањето ботокс е секојдневно и пацинетите немаат проблем со тоа. Треба време и тоа е нешто што ќе стане секојдневно.
Задоволство на пациентката од својот живот по ласерското подмладување е нешто кое треба да се земе предвид
На прашалници кои анонимно ги правиме за некои истражувања, прашањето на задоволство по третманот е во огромен плус, без исклучок пациентките изразуваат задоволство од сексуалното функционирање после правењето на овој третман. Тоа не е работа која може егзактно да се измери, но задовоство на пациентката од својот живот по ласерското подмладување е нешто кое треба да се земе предвид кога се прави проценка за тоа дали вреди или не вреди да се направи овој зафат.
