ВАЖНО: Не користете крема за сончање со поминат рок!

Дури и најстабилната формула може да се расипе

Времето за сончање за многумина веќе почна, но она што е најважно е добрата заштита. Кремата за сончање е обавезна, а ако користите некоја од лани обавезно проверете го рокот на траење.

Но што да се прави ако рокот не можете да го прочитате, односно се избришал?! Постои и за тоа решение!

Многу е важно да не користите креми по истекот на рокот, затоа што хемикалиите се разградуваат и можат да го загубат заштитниот ефект. Добро е да знаете и дека кремите со заштитен фактор имаат рок на употреба од најмалку една година.

Како да се одреди дали кремата веќе не е безбедна за употреба?

Знакот за предупредување на кој морате да посветите внимание е мирисот и текстурата на кремата. Ако истекол рокот, текстурата ќе биде одвоена. Кремата која повеќе не е безбедна за користење има поинаков мирис и текстура, така што треба веднаш да ја фрлите.

Што може да се случи ако случајно користите крема со поминат рок?

Кремата може да предизвика несакани реакции на кожата (иритација) како резултат на промена на хемискиот состав.

Кои фактори треба да се одбегнуваат?

Ако кремите ги чувате изложени директно на сонце (на плажа или на седиштето во автомобилот), треба да знаете дека и најстабилната формула може да се расипе. Соодветното чување на средството за заштита е исклучително важно. Најприкладно е да се чува на суво и ладно место.