Амерканскиот центар за контрола и превенција на болести (CDC) викендов изјави дека ги следи извештаите за алергиските реакции на вакцината против КОВИД-19 и издаде препораки како треба да постапат лицата кои имаат историја на алергија.
Оној кој имал сериозна реакција на вакцината против КОВИД-19, не би требало да ја прими втората доза, изјавија експертите од Американскиот центар, дефинирајќи дека е сериозно доколку на лицето му е потребен лек или болничко лекување.
Лицата кои имале тешки алергиски реакции на било која состојка од вакцината против КОВИД-19, треба да избегнуваат формулација на вакцина што ја содржи таа состојка, велат од CDC. Во САД се одобрени две вакцини против новиот коронавирус.
Поединци кои имаат историја на тешки алергиски реакции на вакцини треба да се консултираат со лекари за вакцинирањето против КОВИД-19. Од центарот велат дека и натаму може да се вакцинираат лица со сериозни алергии на храна, домашни миленици, латекс, како и лица кои имаат алергии на лекови кои се земаат орално или имаат семејна историја на сериозни алергиски реакции.
Американската агенција за храна и лекови (ФДА) истражува пет случаи на алергиски реакции кои се случиле откако поединци, минатата недела примиле прва доза на вакцина на Pfizer и BioNTech.
Од ФДА информираа дека вакцината на Moderna, која доби итна вторизација, не треба да се дава на поединци кои имаат историја на сериозни алергиски рекации на било која состојка во вакцината.
Британскиот здравствен регулатор соопшто дека било кој со историја на анафилакса или со сериозна алергиска реакција на лекови и храна, не треба да прими од вакцините на Pfizer и BioNTech.
