Чешањето во грлото може да биде еден од првите симптоми на бактериска или вирусна инфекција, но, исто така, може да биде и симптом на алергија, на пример, на одредена храна, полен, но и лекови. Дехидратацијата, како и рефлуксот на киселина, исто така, може да предизвикаат чешање во грлото.
За да откриете што го предизвикува вашиот проблем и да добиете соодветна терапија треба да појдете на лекар. Но она што треба да го знаете е дека освен препишаната терапија, може да ви помогнат и некои домашни рецепти. Еве некои од нив:
- Гаргара со млака солена вода, два до три пати на ден;
- Можете да приготвите напиток од ѓумбир, лимон и мед така што лажица мед ќе растворите во чаша врела вода, ќе додадете сок од цел лимон и малку свежо изрендан ѓумбир или ѓумбир во прав, овој напиток е најдобро да се пие два до три пати на ден;
- Растителните чаеви од коприва, камилица и сладок корен, исто така, може да бидат од помош;
- Уште еден напиток кој ги ублажува иритациите во грлото можете да приготвите така што ќе измешате лажица јаболков оцет до 2 дцл врела вода и по желба ќе додадете малку мед.
