„Ве молам, бидете внимателни!“: Мајка ги предупредува родителите за опасностите од задушување со храна

Анџела Хендерсон сподели рендгенска снимка на која јасно се гледа зрно грозје заглавено во дишните патишта на петгодишно дете, кое мораше да оди на операција за хируршки да биде отстрането

Грозјето е трета најчеста причина за смрт кај децата кои умираат во инциденти со задушувања поврзани со храна

Анџела Хендерсон неодамна сподели предупредувачка фотографија на социјалните медиуми, покажувајќи мало топче заглавено во дишните патишта на петгодишно момче.

Блогерката од Бризбејн на овој начин сакаше да го привлече вниманието на родителите и да ги предупреди на опасностите од задушување со храна.

Рендгенската снимка на детето покажува топче, идентификувано како зрно грозје, заглавено во дишните патишта

Хендерсон ги предупредува родителите дека децата често јадат набрзина и апелира секогаш да им ја сечат храната на парчиња, а особено овошјето и зеленчукот.

„Оваа слатка душа мораше да се оперира под општа анестезија за да се отстрани грозјето. Тој е многу среќен бидејќи дел од неговиот дишен пат беше отворен, инаку ова би можело да заврши лошо. Бидете свесни дека не сите деца ја џвакаат својата храна, брзаат за на училиште или да излезат да си играат“, напишала таа под фотографијата.

„Ве молам бидете внимателни. Само исечете го проклетото грозје или бебешки домати“.

Грозјето е трета најчеста причина за смрт кај децата кои умираат во инциденти со задушувања поврзани со храна.