Сколиоза (потекнува од грчкиот збор сколиосис или сколиос што значи искривено) претставува медицинска состојба, кадешто се забележува искривување на ‘рбетот од едната страна. Се класифицира како вродена (предизвикана од аномалии на пршлените од раѓање), идиопатска (не е познато од што е предизвикана, поткласифицирана како детска, адолесцентна или возрасна во зависност од тоа кога се појавила) или невромускуларна (кога се развива како втор симптом од друга состојба, како спина бифида, церебрална парализа, спинална мускуларна атрофија или физичка траума).
Многу често малите деца со овој ‘рбетниот деформитет имаат добро држење што ја отежнува навремената дијагноза. Затоа е потребно редовно и внимателно да ги проверувате децата и да обрнете посебно внимание на појавата на асиметрија на телото.
За разлика од другите деформации, чија причина е главно очигледна, сколиозата е тешко да се предвиди како ќе напредува, што го отежнува лекувањето и прогнозата. За жал, некогаш и покрај сите преземени мерки на превенција и адекватно лекување, остануваат трајни последици. Затоа е многу важно што порано да се открие деформитетот, бидејќи на тој начин шансите за успешно лекување се многу поголеми.
Во продолжение ви предлагаме да погледнете видео со вежби за ублажување на проблемите поврзани со сколиоза.
