ВИ ЅВОНИ ВО УШИТЕ? Овие се можните причини

Тинитусот или зуењето во ушите може да предизвикано од многу работи. Иако ова само по себе не е болест, може да биде симптом на друга здравствена состојба.

Ѕвонењето во ушите најчесто е предизвикано од оштетување на ситните влакна во внатрешното уво. Ова ги менува сигналите што тие ги испраќаат до вашиот мозок, а кои го контролираат начинот на кој го слушате звукот.

Тинитусот може да биде нормална последица на стареењето, но може да го предизвикаат и други работи. Исто така, треба да се каже дека тинитусот може да биде привремен или може да трае до крајот на животот.

ШТО ПРЕДИЗВИКУВА ТИНИТУС?

За повеќето луѓе, тинитусот е навистина само последица на стареењето бидејќи нашиот слух се влошува со возраста. Во оваа смисла, тинитус обично се појавува околу шеесеттата година од животот.

Гласните звуци се всушност водечки причини за тинитус. Може да се појави како последица на нешто што го слушате секој ден или нешто што се случило само еднаш. Ова вклучува цел сет на случувања – од концерти и спортски настани до гласни апарати што ги користите. Во овој случај, тинитус може да се појави само во едното или дури и во двете уши и може да доведе до губење на слухот и болки.

Телото самостојно произведува восок во ушите, кој служи за задржување на нечистотијата и заштита на вашите уши. Но, ако не се измие сам и се насобере премногу, тоа може да доведе до ѕвонење или губење на слухот. Вашиот лекар може нежно да ги отстрани насобраните купчиња. Не обидувајте се да го направите тоа сами со стапче за уши.

Одредени лекови исто така може да бидат одговорни за тинитус. Тоа се лекови како што се аспирин, диуретици, одредени антибиотици, антидепресиви и лекови против рак. Колку е посилна дозата, толку е поголема шансата да се појави некој проблем, но симптомите треба да исчезнат кога ќе престанете да го земате лекот.

Инфекцијата на увото може да биде одговорна за зуење во ушите. Можеби сте забележале дека тоа се случува и кога имате настинка или грип, а причината лежи во фактот што воспалението на синусите може да влијае и на слухот. Ако ова е навистина причина за тинитус, тој не треба да трае долго. Меѓутоа, ако не помине по една недела, контактирајте го вашиот лекар.

Проблемите со притисокот исто така може да доведат до тинитус. Тоа може да вклучува висок крвен притисок и работи кои го зголемуваат на краток рок, како што се стресот, алкохолот и кофеинот.

Други здравствени проблеми, исто така, може да предизвикаат тинитус, како што се состојби на промени во ушните коски, нарушување на внатрешното уво наречено Мениерова болест или повреди на главата и вратот. Состојбите како што се фибромијалгија и Лајмска болест, исто така, може да предизвикаат зуење во ушите. Вашиот лекар ќе ви помогне да ја пронајдете причината и да ги ублажите звуците.