За проблемот со опаѓање на косата по инфекцијата со новиот коронавирус, јавно проговорија и некои познати личности, а истражувањата покажуваат дека со тој проблем се соочува околу една четвртина од оние кои ја преболеле болеста КОВИД-19.
Опаѓањето коса се сличува кога фоликулата на влакното под удар на стрес преминува во фаза на “одмор“. Поради тоа, не се создаваат носи влакна, но и влакната во растечка фаза прерано престануваат да растат и по одредено време, почнуваат да паѓаат.
Оваа појава се нарекува телоген ефлувиум и често се случува кај пациентите кои неодамна доживеале некоја стресна ситуација. Тоа е причината поради која една четвртина од заболените со КОВИД-19 се соочува со прекумерно опаѓање на косата, но им се случува и на оние кои не се заразиле, оти тригер може да биде и стресот што го предизвика пандемијата.
Освен опаѓање на косата, зачестени се и проблемите со лупење на скалпот или перутање, но постоат нешта кои може сами да ги направите за да ја спречите оваа појава.
Поретко мијте ја косата – Можеби ви се чини логично дека ќе ја измиете причината за опаѓање на косата или проблемот со скалпот со вода и шампон, но вистината е дека во оваа ситуација имате поголема корист од пореткото миење на косата. Експертите препорачуваат миење на секои два до три дена за рамна и на секои две недели за виткана коса во текот на зимата.
Длабински кондициски третман – Забележано е дека многумина кои страдаат од опаѓање на косата и проблеми со скалпот, покрај стресот предизвикан од КОВИД-19, обично имаат проблеми со псоријаза или првут, во кој случај ќе помогнат длабоки кондицски третмани кои ја зајакнуваат косата, ја хранат и ја обновуваат потребната влага во косата со што се спречува оштетување и пукање на врвовите. Третирајте ја косата со природни масла кои делуваат како антиоксиданти од типот на арганово, маслиново, ленено и масло од авокадо.
