Доколку го откриете во првиот стадиум ќе имате најмногу шанси за излекување, но ако се открие во 4 стадиум тогаш постојат само 5 отсто шанси за преживување од оваа болест. Затоа е мошне важно минимум еднаш годишно секоја жена да оди на гинеколошки преглед, да направи ПАП тест и колпоскопија. Ракот на грлото на матката е најчест облик на рак кој се јавува кај жените над 35 години. Статистиката вели дека жените не се прегледуваат доволно често и мислат дека се е во ред бидејќи немаат никакви болки и симптоми.
Кои се првите знаци на оваа подмолна болест?
Повеќето жени со рак на грлото на матката немаат баш никакви симптоми заради што е мошне важно да се оди на редовни прегледи.
Рани симптоми на овој вид рак можат да бидат:
- Крвавење за време на секс или после него, меѓу менструации или после менопауза;
- Невообичаен исцедок од вагината, со сменета боја, мирис и конзистенција;
- Непријатен и болен секс;
- Болка во долниот дел од грбот;
- Несакано губење килограми.
Со напредување на болеста симптомите можат да бидат следни:
– Зголемен нагон за уринирање, крв во урината, дијареја, отекување на нозете.
ХПВ вирусот во 80 отсто од случаите е причина за развој на рак на грлото на матката, па дури 4 од 5 жени на кои им е дијагностициран овој тумор го имале во себе овој вирус. Чест е митот дека само промискуитетните луѓе можат да се заразат со ХПВ кој се пренесува по сексуален пат. Овој вирус може „да се закачи“ и после смамо еден незаштитен однос.
