Високиот крвен притисок ги зголемува шансите и за развој на болести на бубрезите, деменција и анеуризма на аортата. Тој сепак почесто се јавува кај лицата постари од 65 години, оние со вишок килограми и физички некативни, а тоа се се ризик фактори кои се поврзуваат со појавата на рак.
Научниците на основа на испитани 280.000 жени и исто толку мажи, откриле дека високите вредности на крвниот притисок ги зголемуваат шансите за развој на рак на усната шуплина, белите дробови, меочниот меур, бубрезите, дебелото црево и меланом кај мажите. Кај жените, хипертензијата се поврзува со настанување на рак на црниот дроб, панкреасот, цервиксот и меланом.
“Нашата студија покажува дека високиот притисок е ризик фактор за развој на фатални болести кај жените и кај мажите“, истакнал водачот на истражувачкиот тим, д-р Ван Хемелрик, и додал дека резултатите од истражувањето се релативно скормни, но и важни за јавното здравство, со оглед дека се повеќе луѓе страдаат од хипертензија.
Најважна е информацијата дека здравиот живот и правилната исхрана може да го намалат ризикот од развој на одредени хронични болести.
