Во периодот што ни претстои она што не можеме да го избегнеме се високите температури, но со сигурност можеме да се заштитиме и да внимаваме на нивото на течности што ги внесуваме. Редовно и доволно внесувајте течности, најдобро вода.
Како резултат на високите температури повеќе се потиме, па заради тоа и губиме доста вода и минерални соли кои е потребно да бидат надоместени. При високи дневни температури одбегнувајте алкохолни пијалаци, како и консумација на газирани пијалаци, кафе и други напитоци кои содржат кофеин, кој, пак, делува како диуретик.
И што е најважно – не чекајте да почувствувате жед за да пиете вода и да – јадете овошје и зеленчук кои изобилуваат со вода, како што се краставици, домати, зелена салата, цитруси, јаболка, цреши, вишни… Исто така, јадете помали, но почести оброци и одбегнувајте премногу солена и масна храна.
