Внимание, ракот ги напаѓа дури и оние делови од кожата кои не се изложени на сонце!

Меланомот е најагресивен од сите ракови на кожа

Иако се појавува во „само“ 7 отсто од случаите на рак на кожа, одговорен е за 75 отсто од смртните случаи предизвикани со болеста. Меланомот може да се појави каде било на телото и тоа не само на местата кои биле изложени на сонце, истакнува доктор Куси Пон, дерматолог од Универзитетот во Торонто, додавајќи дека најчесто кај мажите се појавува на грбот, а кај жените по нозете.

Повеќе од 90 отсто од случаите на меланом се предизвикани од претерана изложеност на УВ зрачење, но кај некои меланоми на периферните делови на телото како што се дланките или стапалата изложеноста на сонце не е доминантна причина. Освен изложеноста на сонце, факторите кои влијаат на добивање на рак на кожата се годините, големиот број младежи, особено оние сомнителните, но и семејната историја.

Истражувачите предупредуваат дека кај еден од десет меланоми лезиите на кожата не мораат да бидат карактеристично шарени заради што тешко се поставува дијагнозата.

„Безбојните меланоми можат да имаат розеникава, црвеникава, виолетова боја“, истакнува докторката, додавајќи дека овие атипични меланоми можат да личат на други типови рак на кожата или можат да се заменат со бенигни тумори, лузни или цисти, што е исклучително опасно затоа што раната дијагностика спасува живот, па посебно се истакнува важноста на АБЦДЕ тестот.