Во зимските месеци, секој од нас веројатно ќе добие барем една или две настинки, а еден од најчестите симптоми е болка во грлото. Во повеќето случаи, болката во грлото е предизвикана од вируси, како кај обичната настинка или вдишувањето чад. Но, во некои случаи, болката во грлото може да биде знак за нешто посериозно, особено ако е придружена со некој од следниве симптоми:
- Ако е присутен осип
Доколку истовремено со болката во грло се развие осип, тоа може да биде знак за сериозна инфекција. Осипот на вратот и градите што се шири на остатокот од телото може да биде знак за група бактериски инфекции наречени стрептококни инфекции. Најнеопасна меѓу нив е бактерискиот тонзилитис, но може да вклучува и некои посериозни, како што се шарлах, бактериемија (бактерии во крвта) и синдром на токсичен шок. Сите овие инфекции треба да ги лекува специјалист, со лекувањето да се почне што поскоро, а најчесто се лекуваат со антибиотици. Но треба да се има на ум дека вирусните инфекции, како што е вирусниот тонзилитис, не може да се излечат со антибиотици.
- Ако болката е многу силна
Ако настинката е причина за болка во грлото, тоа може да биде многу болно, но болката обично поминува сама по себе во рок од неколку дена. Но, бактериските инфекции, како што е бактерискиот тонзилитис (силно воспаление на крајниците), често предизвикуваат многу посилна болка која не поминува. Бактерискиот тонзилитис може да предизвика проблеми со голтањето и јадењето, болка во увото и отечени и болни жлезди на вратот. Ако имате некој од овие симптоми, треба да го посетите вашиот матичен лекар за да провери дали инфекцијата можеби има бактериско, а не вирусно потекло. Бактерискиот тонзилитис може да се третира со антибиотици.
- Ако имате висока температура
Настинката може да предизвика покачена телесна температура, но обично само блага зголемена. Но, ако имате болка во грлото и температура над 38 C, постои голема веројатност да се работи за инфекција на грлото, како што е тонзилитис, а не само обична настинка.
4. Доколку потрае
Ако болното грло потрае подолго од една недела или ако станува болката станува поинтензивна, треба да посетите лекар за да проверите дали имате тонзилитис. Болката во грлото што не поминува може да биде знак за инфективна мононуклеоза или таканаречена жлездена треска. Мононуклеозата обично ги погодува тинејџерите и помладите возрасни лица. Поминува спонтано, без лекување, но може да се чувствувате многу слабо и лошо и може да трае со недели. Многу луѓе закрепнуваат без проблеми, но понекогаш инфективната мононуклеоза може да предизвика други проблеми како:
- благо воспаление на црниот дроб (хепатитис), поради што кожата и белките на очите добиваат жолтеникава боја;
- ниско ниво на крвни зрнца наречени тромбоцити (тромбоцитопенија);
- невролошки проблеми.
