Високопротеинските диети честопати се препорачуваат за брзо слабеење, без притоа да се земе предвид фактот дека овој начин на исхрана не би требало да се практикува на подолг рок – бидејќи колку е ефикасен, толку е и ризичен. Низа истражувања покажале дека диетите со голем процент на протеини во оброците, може да предизвикаат оштетувања на бубрезите и нарушување на нивната работа, дури и кај здравите личности.
Во најризична група спаѓаат оние кои имаат семејна историја на бубрежни заболувања. Иако протеинските диети се промовираат како здрав и ефикасен начин на слабеење, мора да се биде внимателен бидејќи со нив се зголемува препорачаниот дневен внес на протеини дури и за 25 отсто. Па поради тоа, пред да започнете со која и да било диета информирајте се и за евентуалните негативни страни, бидејќи е невозможно овие режими да немаат ниту една маана.
