Внимавајте со што ги пиете лековите

Многу намирници во секојдневната исхрана може да го изменат дејството на терапијата, па и да доведат до несакани реакции. Со тетрациклини би требало да избегнувате млечни производи, додека месо на скара, поради јаглеродниот диоксид го намалува дејството на препаратите против астма и бронхитис.

Истовременото консумирање на напитоци и намирници со лековите може да има големо влијание на организмот. Наместо лековите да се пијат со вода, многу пациенти ги земаат со чај, кафе, млеко или лимонада.Со оглед дека некои намирници не реагираат добро на хемискиот состав на лековите, може да дојде до несакани интеракции и опасности по здравјето, поради што треба да се води сметка за тоа што се консумира додека се прима терапија.

Млечни производи

За време на користење на антибиотици од групата тетрациклини би требало да се избегнуваат млечни производи, барем два часа по внесувањето на лекот во организмот. Оваа супстанца во комбинација со калциумот од јогуртот, сирењето, или млекото создава соединенија кои организмот не може да ги разгради, што значително го намалува дејството на лекот. Минерална вода богата со калциум исто така негативно влијае на дејството на овој тип на антибиотици.

Грејфрут

Содржи биофлавоноиди, кои го засилуваат дејството на голем број лекови во траење од дури три дена и до 300%. Антиалергетиците кои се внесуваат заедно со сок од грејфрут може да предизвикаат пореметување на срцевиот ритам или да ја забрзана работа на срцето. Средствата за намалување на притисокот делуваат посилно од вообичаено, па во најтешките случаи може да предизвикаат коласп на крвотокот. Грејфрутот внесен во поголеми количини го намалува и делувањето на лековите за контрацепција.

Кофеин

Антибиотиците кои го кочат делувањето на ензимот ДНК-гираза не смеат да се комбинираат со напитоци кои содржат кофеин, кој го има во зелениот чај, кафето, газираните или енергетските пијалаци, бидејќи тие го засилуваат делувањето на кофеинот, предизвикувајќи нервоза и засилено чукање на срцето.

Скара

Јаглеродниот диоксид кој се создава при печење на месото на скара, може да го намали дејството на многу препарати против заболувања на дишните патишта, како што се астма или хроничниот бронхитис. Треба да се обрне внимание и на употребата на биберот, бидејќи содржи пиперин, кој го блокира разградувањето на еден вообичаен агенс против астма, т.н. теофилин.