Со оглед дека вакцината против КОВИД-19 станува се подостапна за сите , бројни се прашањата кои се јавуваат за безбедноста на истите. Како и повеќето вакцини и оваа се прима и дава во горниот дел од раката. По првата доза, се очекува и примање на втора доза, а се дава во период од над 21 ден.
- КОИ НУСПОЈАВИ МОЖЕ ДА СЕ ОЧЕКУВААТ?
Најчести пријавувани несакани ефекти од ковид вакцините се однесуваат на: зголемена телесна температура, болка на местото на примање, главоболка, болка во мускулите, треска, општа слабост, замор, црвенило на местото на примање на вакцината, мачнина, болка во зглобовите.
Ретки и очекувани нуспојави
Се работи за очекувани нуспојави, кои често се јавуваат, слични се на нуспојавите на останатите вакцини и најчесто се со благ до умерен интензитет и минуваат спонтано за неколку дена или со примена на симптоматска терапија (студени облоги, лекови за намалување на температура и лекови против болка). Може да се јави главоболка, покачена телесна температура и болка на местото на примање на вакцината.
Кои сериозни несакани ефекти се забележани?
Меѓу сериозните нуспојави најчесто се забележани реакции на пречувствителност кои се манифестираат како осип, чешање и уртикарија недолго по примената вакцина, поради што се применети антиалергиски лекови и по што во овие случаи е дојдено до опоравување. Ретко се забележани и реакции на пареза на лицето, односно периферна слабост на едната страна од лицето. Овие реакции обично се поврзани со оток на ткивото кое го притиска нервот и најчесто се работи за минлива состојба.
- ШТО Е КОВИД РАКА?
Ако сте забележале осип околу местото на кое сте ја примиле вакцината, може да се работи за ковид рака, пишува на порталот на Американскиот центар за контрола и превенција на болести. Со медицински речник, се работи за задоцнета реакција на кожата.
- КАКО ДА ОДБЕРЕТЕ ВО КОЈА РАКА ЌЕ ПРИМИТЕ ВАКЦИНА?
Можете сами да одберете во која рака ќе ја примите вакцината, а тоа не се разликува од останатите вакцините, така што нема правилен или лош избор. Лекар може да советува, но конечната одлука е на вас. Едни ќе кажат дека треба да се одбере доминантната рака оти со неа се служиме повеќе и повеќе ја движиме, па така влијаеме на крвототкот. Тоа значи дека со постојаните движења ќе се ублажи болката и ќе се скуси времетраењето на симптомите. Но, со оглед дека болката може да потрае и до два дена по вакцинирањето, ако одберете рака која не е доминантна, ништо нема да ве спречи во извршување на обврските.
