Во овие ситуации никогаш не треба да се користи маслиново масло

Постојат ситуации кога маслиновото масло, и покрај тоа што е своевиден симбол на здравје и долговечност, не е добра опција.

Лековитите својства на маслиновото масло најголеми се кога се корсти ладно или малку загреано, поради зачувување на низа чувствителни компоненти на арома и боја, фитонутриенти и поротиввоспалителни соединенија. Постојат ситуации кога маслиновото масло, и покрај тоа што е своевиден симбол на здравје и долговечност, не е добра опција.

Ако не сте сигурно од каде потекнува

Пред да почнете да го користите, погрижете се да биде со проверен квалитет и да знаете од која земја потекнува. Секогаш бирајте екстра девствено маслиново масло кое се добива од здравите плодови на маслинката, а киселоста не надминува 0,8%. Оваа верзија содржи многу хранливи состојки како што е полифенолот.

За пржење

Одреден број на стручњаци тврдат дека маслиновото масло престанува да биде здраво за срцето ако се загрева на многу висока температура, иако некои тврдат дека тоа нема да отпушти штетни токсини во текот на загревањето. Но, маслиновото, како и сите други масла, во текот на загревање разложува голем број на важни состојки, како омега-3 масни киселини и антиоксиданти, кои пропаѓаат во процесот.

За скара

Многумина препорачуваат маринирање на зеленчук и месо за печење на скара со маслиново масло. Ова нема да наштети, но нема да донесе и некоја корист. Најдобро е решетката кога правите скара да се премачка со масло кое поднесува висока температура, и евентуално со маслиново масло да се премачка храната откако ќе биде готова.


Во подготовка на колачи

Иако некои тврдат дека може да се користи како замена за путер или маргарин, треба да имате на ум дека маслиновото масло има интензивен и мирис и вкус. Затоа, најдобро е да се насочите на путер, а тоа се однесува на сите производи кои вклучуваат крем и шеќер. Значи, на торти, слатки, колачи и преливи за колачи, како и палачинки.

Против акни

Многумина користат маслиново масло за нега на лицето, телото и косата. Но, ако имате акни и осип по телото или чувствителна кожа, никако не го ставајте оти состојбата само може да се влоши.