Според една студија, фетусот може да ја почувствува психолошката состојба на мајката. Неродените бебиња добиваат сигнали низ телото на мајката, така што таа влијае на тоа како се чувствува бебето. Бременоста е време кога жената чувствува набој на позитивни емоции и би требало максимално да ги искористат. Колку вие подобро се чувствувате, толку и вашето бебе ќе биде поздравo и посреќно.
Еве во што уживаат бебињата кога се во стомакот:
Слатка храна
Бебињата почнуваат да разликуваат вкусови од 13 до 15 недела од бременоста. Амнионската течност има вкус како и храната која ја јаде мајката, а бебињата ја голтаат и така се навикнуваат на различните вкусови. Трудничките желби за храна се развиваат во матката. Значи, ако сакате да бидете сигурни дека вашето дете добро ќе јаде во иднина, јадете разновидна храна во текот на бременоста. Бебињата се особено наклонети кон слатки работи затоа што тоа ги подготвува за доењето.
Топли бањи
Кога бебињата се доволно големи за да бидат притиснати кон кожата на мајчиниот стомак, тие можат да ги почувствуваат промените во температурата. Затоа врела вода не им е пријатна, а може да биде и опасна. Но топлата бања напротив ги прави бебињата мирни и опуштени. Звукот на водата што тече може да му помогне на бебето да се опушти. За да биде уште подобро, сипете вода над стомакот за бебето да се релаксира.
Чешкање по стомакот
Рецепторите за допир почнуваат да се развиваат околу 8 недела од бременоста, а околу 20-та бебињата се доволно големи за да чувствуваат допир и од надвор. Во текот на овој период можат да уживаат во чешкање и галење на стомакот. Ова е одличен начин за поврзување, а дури и таткото може да биде вклучен во процесот. Користете масла за масирање или креми и мачкајте го стомакот со лесни движења додека слушате пријатна и релаксирачка музика.
Слушање на гласот на мама
Од 25 и 26-та недела бебињата почнуваат да одговараат на вревата која ја слушаат надвор од матката, а бидејќи гласот на мајката им е појасен од кој било друго, тие научуваат да го препознаваат. Тоа им пружа удобност и сигурност и сигнализира дека се е во ред. Ефикасен начин да развиете однос со бебето е да го навикнете на звукот на вашиот глас, па затоа читајте му или зборувајте му. Бебињата сакаат да ги слушаат и останатите гласови, особено гласот на таткото затоа што полесно ги разликуваат длабоките тонови.
Слушање музика
Пренаталната музика има неколку предности. Кај мајката таа проивзедува хормон серотонин и поттикнува ослободување на ендорфин кој се пренесува и на бебето. Кај бебињата, пак, музиката ги стимулира сетилата и го поттикнува развојот на мозокот. Слушајте музика зaтоа што и бебето може да ја чуе како и вие. Размислете за концерти на класична музика и подложете го бебето на различни звуци.
Редовно вежбање
Клучот за избор на вистински вежби за време на бременоста е следниот: би требало да биде безбеден, прикладен и одобрен од страна на лекар. Кардио вежбите се најдобар вид активност во текот на овој период. Срцето на бебето така подобро се развива и бебињата се појаки ако нивните мајки редовно вежбаат. Кардио вежбите ја забавуваат срцевата фреквенција, а тоа е добро за бебето.
Периоди на одмор
Периодите на одмор на мајката се најдобри моменти за забава! Во време кога вие се одморате, бебињата се зафатени затоа што ниедна од вашите дневни активности, движења и рутини не им дава толку можност за движење колку кога се одморате. Тогаш почнуваат да практикуваат акробатика и вежбаат нови движења. Таквите настапи не траат долго. Кон крајот на бременоста бебето ќе се движи од 70 до 90 минути дневно, така што режимот на движење ќе добива некои шаблони.
Мајчиното смеење
Ултразвукот покажува дека фетусите почнуваат да се „фрлаат“ горе–долу кога нивните мајки се смеат. Тоа се случува заради контракцијата на мускулите. Хормоните на среќа кои се ослободуваат кога мајката се чувствува добро влијаат на тоа и бебето да ужива.
