Во вашето шишенце за вода се кријат и до 300 илјади опасни бактерии?!

За да одбегнете собирање бактерии, најмалку еднаш неделно треба да го измиете шишето со врела вода, детергент и четка за шише.

Додека безгрижно пиете вода од вашето омилено шишенце, не сте ни свесни дека во телото можеби внесувате илјадници опасни бактерии. Имено, иако вашето шишенце изгледа чисто, ако не го миете доволно добро, во него може да се наталожат за окото невидливи микроби.

Доктор Филип Тиерно, клинички професор по патологија и микробиологија, објаснил дека само темелното испирање нема да биде доволно. Имено, бактериите создваат биофилм на внатрешната страна на шишето за повеќекратна употреба, затоа е потребно силно механичко делување за да го отстраните.

Што е воопшто биофилм? Тоа е состав на бактерии кои веќе се наоѓаат во вашата уста, настанати од остатоците храна. Освен тоа и бактериите од вашите раце можат да дојдат до устата, а потоа на шишето. Само сетете се што се допирате во текот на денот па ќе ви стане јасно дека тоа го пренесувате на сето она што ќе го допрете, вклучително и шишенцето од кое пиете течност.

Истражување открило дека шишињата вода можат да содржат и повеќе од 300 бактерии по квадратен сантиметар. Значи, кога не го чистите шишенцето сите бактерии завршуваат во вашето тело. Опасноста варира од шише до шише. Оние со широко грло претставуваат најмала закана, но оние со гумени затворачи мора особено добро да се исчистат. За да одбегнете собирање бактерии, најмалку еднаш неделно треба да го измиете шишето со врела вода, детергент и четка за шише.