ВОДА ВО КОЛЕНОТО: Зошто доаѓа до отекување, болка и тешко виткање на ногата

Оваа многу честа појава може да има повеќе причинители и до отекување може да дојде поради неколку причини.

Вода во колено е назив за појава на отекување на коленото поради прекумерно насобирање на течност во подрачјето на зглобот.Симптоми кои може да ја следат појавата се болка и неможност за исправање или виткање на коленото.

Оваа многу честа појава може да има повеќе причинители и до отекување може да дојде поради следниве причини:

Неправилни движења во зглобот на коленото – Кога зглобот не е центриран доаѓа до дополнително оптоварување при кое се троши одреден дел од зглобот повеќе отколку останатите сегменти. Центриран зглоб и движење во полн опсег на движењето, значи дека постои правилен пренос на силата помеѓу коските, мускулите и лигаментите на надколеницата и потколеницата. Најчести неправилности кои се појавуваат се искривени нозе во форма на буквите О и Х, прекумерно испружување во зглобот на коленото (хиперекстензија) и недоволно испружување (константна флексија).

Прекумерна телесна тежина – Вишокот килограми дополнително го оптоваруваат зглобот на коленото поради зголемениот притисок при стоење, одење или физичка активност.

Неправилност во колковите, грбот и деформација на стапалата – Колената често трпат преносно влијание на напнатост од соседните зглобови поради спуштени стапала, зголемен тонус на мускулите во колковите и во грбот.

Последица од траума – До зголемено лачење на течност може да дојде и поради удар или дисторзија, оштетувања во подрачјето на зглобот и дегенративни промени на коските и ‘рскавицата.

Почетен стадиум на ревматска болест и артроза – Излив на тешност може да биде предизвикан и од хронично воспаление на сврзното ткиво (ревматоиден артритис), хроничен и реактивен артритис, и како реакција на бактериска инфекција.

Гихт – Воспаление на зглобовите предизвикано од таложење на кристали на уринарната киселина во зглобовите, кое може многу лесно да се открие со крвна анализа.

Во случај симптомите да траат подолго од една седмица, побарајте лекарски совет за поставување на правилна дијагноза.