Што е последното нешто што го правите пред да заспиете? Се разбира, проверувате Фејсбук или Инстаграм, зарем не? Очигледно е дека не можеме да се разделиме од мобилните телефони или лаптопи, ниту во спалната соба.
Наместо да си направиме муабет во живо со партнерот во кревет, ние листаме што е ново на друштвените мрежи, случајно да не пропуштиме нешто што е од суштинско значење за нас, на пример, кој со кого излегол таа вечер на вечера, во кој ресторан вечерале и што имало на нивната маса. Се разбира, сето тоа го дознаваме откако детективски ќе ја проучиме објавената фотографија и, секако, – на крајот не смееме да заборавиме да ставиме „лајк“.
Наместо да си направиме муабет во живо со партнерот во кревет, ние листаме што е ново на друштвените мрежи, случајно да не пропуштиме нешто што е од суштинско значење за нас, на пример, кој со кого излегол таа вечер на вечера, во кој ресторан вечерале и што имало на нивната маса
Компанијата „Mattress Advisor“ спровела истражување во кое учествувале 1 000 луѓе и во кое ги анализирала нивните навики за користење на мобилни телефони пред спиење и во која мера истите влијаат врз квалитетот на нивниот сон.
Резултатите покажале дека повеќето луѓе порадо ги прегледуваат социјалните мрежи отколку да читаат нешто на мобилниот телефон или, пак, да играат игри, а дури 77 проценти од нив рекле дека најчесто „висат“ на Фејсбук, Твитер и Инстаграм. Што се однесува до најлошите апликации кои во голема мера го нарушуваат сонот – истражувањето покажало дека се работи за Youtube, Pinterest и Facebook, наведува „Shape“.
Луѓето кои редовно ги користеле овие апликации имале полош квалитет и квантитет на спиење. Интересно е што корисниците на Snapchat, Tumblra и Instagram можеле да спијат подолго, но тие, исто така, биле далеку од квалитетен сон.
Иако само 11 отсто од луѓето во истражувањето користеле Youtube, тие на оваа платформа поминале дури 50 минути гледајќи различни видеа, со што си го скратиле спиењето за речиси еден час.
