Зачинета храна – да или не?

Вообичаени зачини кои се користат за јадењата да станат лути користат зелено и црвено чили, како и кари во прав. Освен што на јадењат им даваат пикантен вкус, овие зачини имаат и изненадувачки здраствени придобивки.

Голем број луѓе се зависни од вкусна, зачинета храна, која прослави многу кујни  ширум светот – од Кина, Индија, па се до Мексико. Вообичаени зачини кои се користат за јадењата да станат лути користат зелено и црвено чили, како и кари во прав. Освен што на јадењата им даваат пикантен вкус, овие зачини имаат и изненадувачки здраствени придобивки.

Чувари на срцето

Различни студии последниве децении укажуваат дека луѓето кои потекнуваат од земји познати по зачинета храна, имаат помалку срцеви болести, отколку во останатите земји. Главни промотори на здраво срце се познатите чили пиперки, оти содржат супстанца – капсаицин.Оваа лута и зачинета супстанца помага во намалување на лошиот ЛДЛ холестерол во организмот,што го подобрува здравјето на срцето.

Ја ублажува болката

Постојат научни докази дека капсаицинот од лутата храна може да помогне во намалување на болките предизвикани од воспаление, благодарение на своите природни противвоспалителни својства. Истовремено, познато е дека капсаицинот ги блокира сигналите на болка кои патуваат до мозокот.

Обезбедува здрваје на коските

Многу видови на лути пиперки имаат огромна количина хранливи состојки, како што се витамин Ц и А. Недостатокот на витамин А може да доведе до разни болести поврзани со коските. Иако витаминот Д, калциумот и протеините се витално потребни на коските, витамин А е подеднакво важен. Лицата кој имаат недостаток витамин А подложни се на почесто кршење на коските во споредба со останатите.

Силни антибактериски својства

Куминот и куркумата се состојки кои се наоѓаат во многу зачинети јадења од целиот свет – осебно во мексиканската и индијската кујна. Истражувањата покажуваат дека овие состојки имаат силни антимикробни својства. Имаат моќ да се борат против штетните бактерии  во телото. Овие состојки можат и да помогнат во борба против моќни патогени,како Ешерихија коли.

Го подигнуваат расположението

Постојат значајни докази дека консумирањето лута храна може да ве направи посреќни. Според, научните истражување, многу видови зачинета храна ја потикнуваат работата на серотонинот, хормон задолжен за добро расположение.Овој хормон им помага на луѓето подобро да се носат со негативните емоции као што е тага, бес и стрес.

Го јакнат имуниот систем

Лутите зачини како чили, содржат голема количина витамин Ц, еден од најдобрите витамини за јакнење на имуниот систем, кој го штити организмот од многу болести. Телото не може да произведува или складира витамин Ц, па од исклучителна важност е редовно да се внесува храна со овој витамин. Сепак, треба да се внимава, оти внесот на преголема количина од овој витамин може лошо да влијае на бубрезите.