Зачини, овошје и зеленчук од саксија: Еве како од остатоците да ви израснат нови билки!

Едноставни трикови како од деловите од билките кои ги фрламе можеме да одгледаме нови, и тоа во својот дом! А и барем ќе бидете сигурни што јадете и дека се е здраво

Зачини: нане, босилек, рузмарин, мајчина душица

Земете мал дел од билката и ставете го во чаша со вода додека не пушти коренчиња. Кога корењата ќе почнат да растат пресадете во саксија на длабочина од 5 см.

Јагоди

Со чепкалка извадете ги малите семки кои се наоѓаат на површината на јагодата. Оставете ги 2-3 дена на топло место за да се исушат. Во саксија ставете земја и на неа ставете го семето, но не предлабоко. Во шише со распрснувач сипете вода, па прскајте ја земјата. После 6 недели пресадете во поголема саксија.

 

Ѓумбир

Исечете го ѓумбирот на 2-3 поголеми дела, ставете ги во сад со вода и оставете да преноќат. Следниот ден ставете ги во саксија со земја.

Лук 

Земете чешне лук, засадете го во саксија и прскајте со вода. После 6 недели префрлете во поголема саксија

 

Целер, компир, салата, младо кромитче, домати 

Исечете го долниот дел од целерот со дебелина од 5 см, компирот пресечете го на пола, со салатата постапувајте исто како и со целерот. Потребен ви е горниот дел од доматот, а на младото кромитче исечете му го делот со кромидот во должина од 5 см. Компирот исушете го преку ноќ. Целерот, салатата и младиот кромид ставете ги во чаша со вода, а доматот засадете го директно во саксија. Оставете го на топло место, па после 5 до 7 дена префрлете го во саксија.

 

Авокадо

Извадете ја семката и забодете 3 чепкалки во неа. Потопете ја во чаша со вода до пола, така што со чепкалките ќе ја држите другата половина надвор од водата. Кога ќе почне да пушта ливчиња ставете ја во земја.

Лимон

Извадете ги семките од лимонот и ставете ги во влажна земја, но не предлабоко. Исчете дно од шише и ставете го во саксијата преку семките.