Симптомите на рак на белите дробови не е секогаш лесно да се откријат во рана фаза, но по правило раното откривање на ракот дава најдобри шанси за негово лекување. Освен вообичаените симптоми како долготрајна кашлица, постојат и други знаци на кои треба да обрнете внимание.
Најчестата форма на рак на бели дробови се јавува во дишните патишта кои водат до белите дробови, а тоа често предизвикува симптоми како краток здив, свирење и долготрајна кашлица со крв или слуз.
Доколку туморот се наоѓа на врвот на белите дробови, може да создаде притисок на нервите и крвните садови кои одат во раката, што тогаш може да предизивика болка и слабост во екстремитетите. Често таа слабост е проследена со упорно чувство на прободување.
Уште еден знак кој се јавува во рана фаза на ракот на бели дробови се промените во прстите – врвовите на престите се отечени поради недостаток на кислород.
Освен што предизвикува болка или слабост во раката, рамената и понекогаш и во градите, во некои случаи, туморот може да го притисне протокот на крв во главата, што резултира и со отекување околу лицето.
Останати симптоми што може да упатуваат на рак на бели дробови:
- Кашлица која престанува по 2 или 3 недели
- Долготрајна кашлица која се влошува
- Инфекции во градниот кош кои постојано се повторуваат
- Искаѓлување крв
- Болка при дишење или кашлање
- Долготрајнен недостаток на воздух
- Постојан замор или недостаток на енергија
- Губење на апетит или необјасниво намалување на телесната тежина
Многу често голем дел од наведените симптоми може да бидат предизивикани и од други болести, но одржувањето на општото здравје и избегнувањето на ризик факторите се првите чекори во намалување на ризикот од рак на бели дробови.
Ракот на бели дробови се шири побрзо од останатите форми на рак, при што клетките на ракот преку крвта се шират и во други делови на телото, а тоа неретко значи дека овој вид на карцином се открива дури откако ќе се прошири. Повеќето од оние кои ја имаат оваа дијагноза се постари од 60 години и/или се пушачи.
