Нашето тело некогаш реагира на мошне чудни начини и нашиот стомак е една од најголемите мистерии, а понекогаш добиваме потреба да се празниме, имаме грчеви и гасови во незгоден момент. Но еден од најчестите симптоми на констипацијата, покрај надуеноста и мачнините е и неподносливата главоболка која никако не поминува. Телото кое го мачи запек собира многу течности во цревата за да се омекне столицата и тоа води до дехидратација, што, пак, доведува до зголемување на доток на крв во мозокот, па оттаму и главоболката.
Следна причина за главоболката е и напорот да се исфрли столицата што е можно поскоро, затоа што доколку е тврда напорот е уште поголем, а тоа резултира со главоболка.
– Во принцип главоболката и запекот се јавуваат од различни причини и поинаку се третираат. Доколку се јават истовремено морате да го имате предвид фактот дека телото се бори со некој друг здравствен проблем за кој не сте ни биле свесни дотогаш, вели Кејлеб Баки, здравствен и велнес ескперт. Тоа може да укажува на фибромијалгија, целиалгија или синдром на хроничен замор. Доколку забележите некои од овие симптоми посоветувајте се со доктор. За да ги одбегнете, пак, овие проблеми лекарите советуваат да ја одржувате цревната флора и столицата регуларна.
Пијте доста течности и бидете хидрирани, но одбегнувајте напитоци кои содржат шеќер и кофеин. Јадете здрави појадоци и бавете се со некоја физичка активност.
