Пополни усни, поголеми очи, рамен нос, се само некои од промените на фотографиите кои се можни само со помош на филтри, па ваквите корекции се повеќе им се прифатливи на личностите кои користат апликации. Поединци така се повеќе се подготвени да се „фрлат“ под нож и да станат личноста од своите фотографии.
Корисниците на одделни друштвени мрежи и апликации за фото монтажа се далеку поспремни да посетат пластичен хирург и да побараат одредена корекција, открило истражувањето од Универзитетот Џон Хопкинс.
Ова истражување покажало дека корисниците на Инстаграм, Снепчет, Тиндер и ВСЦО се најзаинтересирани за пластична операција, но дека мал процент е всушност желен да се упати кон операциона сала. Ова истражување може да им помогне на хирурзите подобро да го разберат новиот дигитален пазар и нивните идни пациенти.
Меѓутоа истражувањето не покажало дека сите корисници на овие апликации сакаат да направат некоја интервенција. Студијата докажала дека корисниците кои поминуваат многу време на овие социјални мрежи и се трудат да изгледаат што е можно подобро користејќи ги овие филтери за раузбавување се идната целна група на козметичката хирургија.
